தேசிய தற்காப்புக்கலை போட்டி: டேக்வாண்டோ பிரிவில் மேகாலயாவுக்கு 20 பதக்கம்

ஷில்லாங்:

அசாம் மாநிலம் கவுகாத்தியில் தேசிய அனைத்து தற்காப்புக்கலை போட்டி நடைபெற்றது. வடகிழக்கு மாநிலங்கள் உள்பட நாட்டின் அனைத்து மாநிலங்களின் வீரர்-வீராங்கனைகளும் பங்கேற்றனர். கடந்த 16-ம் தேதி தொடங்கிய இப்போட்டி 18-ம்தேதி நிறைவுபெற்றது.

ஜீத் குனே-டோ, கிக் பாக்சிங், கராத்தே, டேக்வாண்டோ, உஷூ உள்ளிட்ட பல்வேறு தற்காப்பு கலை பிரிவுகளில் போட்டி நடைபெற்றது. இதில், மேகாலயாவைச் சேர்ந்த டேக்வாண்டோ வீரர்கள் 5 தங்கம், 6 வெள்ளி, 6 வெண்கலம் என மொத்தம் 20 பதக்கங்கள் வென்று சாதனை படைத்துள்ளனர்.

தங்கம் வென்ற வீரர்களில் பயிற்சியாளர் ஓஸ்மாண்ட் டி சங்மா வின் மகன் அகதே சங்மாவும் ஒருவர். இவர் தேசிய மற்றும் சர்வதேச அளவிலான பல்வேறு போட்டிகளில் விளையாடி பரிசு பெற்றுள்ளார்.