என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
உள்ளூர் செய்திகள்
அம்பத்தூரில் உள்ள அன்னை வயலட் கல்லூரியில் இலவச மருத்துவ முகாம்
- இலவச பொது மருத்துவ முகாம் நடைபெற்றது.
- இதயத்துடிப்பு போன்ற பல பரிசோதனைகள் இலவசமாக செய்யப்பட்டது.
சென்னை அம்பத்தூரில் உள்ள அன்னை வயலட் கலை மற்றும் அறிவியல் கல்லூரியில் சென்னை சேத்துப்பட்டு அரிமா சங்கம் மற்றும் அன்னை வயலட் கலை மற்றும் அறிவியல் கல்லூரி இணைந்து நடத்திய மாபெரும் இலவச பொது மருத்துவ முகாம் நடைபெற்றது. இதில் இருதயநோய் மருத்துவம், புற்றுநோய் விழிப்புணர்வு முகாம், பல் பரிசோதனை, கண் பரிசோதனை, ரத்த அழுத்தம், ஈ.சி.ஜி., சர்க்கரை அளவு, இதயத்துடிப்பு கண்டறிதல், எலும்பு தேய்மானம் போன்ற இலவச பரிசோதனைகள் செய்யப்பட்டது. அப்பல்லோ மருத்துவ மனையில் இருந்து மருத்துவர்கள் வருகை புரிந்து இருதய பிரச்சினை உள்ள நபர்களை கண்டறிந்து அவர்களுக்கான அறுவை சிகிச்சை செய்ய ஏற்பாடு மேற்கொள்ளப்பட்டது.
சென்னை ராஜீவ்காந்தி அரசு மருத்துவ மனையில் இருந்து மருத்துவர்கள் வருகை புரிந்து 300-க்கும் மேற்பட்ட பெண்களுக்கு மார்பகம் மற்றும் கருப்பை புற்றுநோய் கண்டறிந்து ஆலோசனையும் வழங்கப்பட்டது. 100-க்கும் மேற்பட்ட பொதுமக்களுக்கு ரத்த அழுத்தம், ஈ.சி.ஜி., சர்க்கரை அளவு, இதயத்துடிப்பு போன்ற பல பரிசோதனைகள் இலவசமாக செய்யப்பட்டது. மாணவர்கள் தன்னார்வத்துடன் ரத்த தானம் வழங்கினர்.
இதில் சிறப்பு விருந்தினர்களாக அரிமா சங்க மாவட்ட ஆளுனர் ராஜேஷ் என்.தவே, முன்னாள் சர்வதேச இயக்குனர் சம்பத், வழி காட்டி மற்றும் மெகா கவர்னரும், ஆலோசகரும், சி.இ.ஓ.வுமான என்.ஆர்.தனபாலன், கல்லூரி முதல்வர் இனிதா லீபனோன் எபன்சி பங்கேற்றனர். இதில் 1000-க்கும் மேற்பட்ட பொது மக்கள் கலந்து கொண்டு பயனடைந்தனர்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்