விருதுநகர்:
மாவட்டத்தில் 479 பேருக்கு கொரோனா தொற்று உறுதியாகியுள்ள நிலையில் பாதிப்பு எண்ணிக்கை 38,716 ஆக உயர்ந்துள்ளது.
இதுவரை 30,775 பேர் சிகிச்சை முடிந்து வீடு திரும்பியுள்ளனர். நேற்று மட்டும் 1001 பேர் சிகிச்சை முடிந்து வீடு திரும்பியுள்ளனர். 7,579 பேர் அரசு மற்றும் தனியார் ஆஸ்பத்திரிகளில் சிகிச்சை பெற்று வருவதோடு வீடுகளிலும் தனிமைப்படுத்தப்பட்டுள்ளனர்.
நோய் பாதிப்புக்கு மேலும் 10 பேர் பலியாகி உள்ள நிலையில் பலி எண்ணிக்கை 433 ஆக உயர்ந்துள்ளது. மாவட்டத்தில் அரசு ஆஸ்பத்திரிகளில் 1198 படுக்கைகள் உள்ள நிலையில் 896 படுக்கைகளில் நோய் பாதிக்கப்பட்டோர் அனுமதிக்கப்பட்டுள்ள நிலையில் 302 படுக்கைகள் காலியாக உள்ளன.
சிகிச்சைமையங்களில் 1573 படுக்கைகள் உள்ள நிலையில் 744 படுக்கைகளில் சிகிச்சைக்காக அனுமதிக்கப்பட்டுள்ளநிலையில் 829 படுக்கைகள் காலியாக உள்ளன.
விருதுநகர் லட்சுமி நகர், பாண்டியன் நகர், கருப்பசாமி நகர், கல்லம்பட்டி, செவல்பட்டி, கோட்டூர், என்.ஜி.ஓ. காலனி, லட்சுமி நகர் உள்ளிட்ட பகுதிகளில் நோய் பாதிப்பு ஏற்பட்டுள்ளது.
மேலும் காரியாபட்டி, மல்லாங்கிணறு, கோபாலபுரம், ஏ.ரெட்டியபட்டி, வேப்பங்குளம், கீழஉப்பிலிகுண்டு, ஆவியூர், கருவக்குடி, வி.புதூர், கட்டாலங்குளம், புல்வாய்கரை, மத்திய சேனை, செம்பட்டி, அருப்புக்கோட்டை, சிவகாசி, திருத்தங்கல், சாத்தூர், ஸ்ரீவில்லிபுத்தூர், ராஜபாளையம் உள்ளிட்ட பகுதிகளில் பாதிப்பு ஏற்பட்டுள்ளது.
நேற்று மாவட்ட பட்டியலில் 111 பேருக்கு பாதிப்பு ஏற்பட்டுள்ளதாக தெரிவிக்கப்பட்டுள்ளது. மாநிலப் பட்டியலில் 479 பேருக்கு பாதிப்பு ஏற்பட்டுள்ளதாக தெரிவிக்கப்பட்டுள்ளது. நோய் பாதிக்கப்பட்டோர் பட்டியல்களில் உள்ள முரண்பாடு தொடர்கிறது.
