புதுவை நியமன எம்எல்ஏ: மூன்று பேர் பெயரை பரிந்துரைத்தது மத்திய அரசு

புதுச்சேரி சட்டசபை தேர்தலில் என்ஆர் காங்கிரஸ்-பா.ஜனதா கூட்டணி 16 இடங்களை பிடித்து ஆட்சியை பிடித்தது. என்ஆர் காங்கிரஸ் 10 இடங்களையும், பா.ஜனதா ஆறு இடங்களையும் பிடித்தது. என்ஆர் காங்கிரஸ் தலைவர் ரங்கசாமி முதலமைச்சராக தேர்வு செய்யப்பட்டார். கடந்த 7-ந்தேதி முதலமைச்சராக பதவி ஏற்றுக் கொண்டார்.

இந்த நிலையில் கே. வெங்கடேசன், வி.பி. ராமலிங்கம், ஆர்.பி. அசோக் பாபு ஆகியோர் பெயரை நியமன எம்.எல்.ஏ.க்களுக்கு மத்திய அரசு பரிந்துரை செய்துள்ளது. இதனை ஏற்று ஆளுநர் நியமன எம்.எல்.ஏ.-க்களாக அறிவிக்க வாய்ப்புள்ளது.