பாகூர்:
அமைச்சர் கந்தசாமி நாளை தனது பிறந்த நாளை கொண்டாடுகிறார். முதலியார் பேட்டையில் உள்ள அவரது வீட்டில் நாளை காலை அவரது தாயார் ராசாம்மாளிடம் ஆசி பெறுகிறார். அங்கிருந்து கிருமாம் பாக்கம் செல்கிறார். அங்கு கோவிலில் சிறப்பு வழிபாடு நடைபெறுகிறது. அதில் பங்கேற்கிறார். பின்னர் அன்னதானம் உள்ளிட்ட நிகழ்ச்சிகள் நடக்கின்றன. அதன் பிறகு ஏம்பலம் தொகுதி முழுவதும் உள்ள கோவில்களுக்கு சென்று வழிபாடு செய்கிறார். சிறப்பு அன்னதான நிகழ்ச்சிகளும் ஆங்காங்கே நடக்கின்றன.
ஏம்பலம் தொகுதி காங்கிரஸ் பிரமுகர் பாலமுரளி ஏற்பாட்டில் புதுவை மணக்குள விநாயகர் கோவிலில் சிறப்பு வழிபாடு மற்றும் தங்கத்தேர் இழுக்கப்படுகிறது. புதுவையில் குழந்தைகள் ஆஸ்பத்திரி மற்றும் அனைத்து ஆஸ்பத்திரிகளிலும் நாளை பிறக்கும் குழந்தைகளுக்கு தங்க மோதிரம் வழங்கப்படுகிறது. ஜிப்மரில் அன்னதானம் வழங்க ஏற்பாடு செய்யப்பட்டுள்ளது.
பிறந்தநாள் விழா ஏற்பாடுகளை ஏம்பலம் தொகுதி காங்கிரசார் மற்றும் நிர்வாகிகள் செய்துள்ளனர்.
