பன்னிகுட்டி

யோகி பாபு நடிப்பில் தற்போது உருவாகி இருக்கும் படம் ‘பன்னிகுட்டி’. இப்படத்தை அனுசரண் இயக்கியுள்ளார். யோகி பாபுவைத் தவிர்த்து, கருணாகரன், திண்டுக்கல் லியோனி, சிங்கம் புலி, விஜய் டிவி புகழ் ராமர், தங்க துரை போன்ற முன்னணி நகைச்சுவை நடிகர்கள் மற்றும் இன்னும் பல முன்னணி பிரபலங்கள் இணைந்து நடித்துள்ளனர். 

இப்படத்திற்கு கே இசையமைக்க, சதீஷ் முருகன் ஒளிப்பதிவு செய்துள்ளார். ரவி முருகையா கதை எழுதியுள்ளார், மேலும் இயக்குனர் அனுசரனுடன் இணைந்து திரைக்கதையும் எழுதியுள்ளார். சண்டைப்பயிற்சி இயக்கத்தை பயர் கார்த்திக் செய்ய, எம்.ஆர்.ராஜகிருஷ்ணன் (ஆடியோகிராஃபி), முருகன் (ஸ்டில்ஸ்), எம்.சிவகுமார் (தயாரிப்பு மேலாளர்), சமீர் பரத் ராம் (நிர்வாகத் தயாரிப்பாளர்) ஆகியோர் தொழில்நுட்ப குழுவில் பணியாற்றியுள்ளனர்.

லைகா புரடக்‌ஷன்ஸ் தயாரித்துள்ள இப்படத்தின் வெளியீட்டு, உரிமையை 11:11 புரடக்‌ஷன்ஸ் டாக்டர் பிரபு திலக் பெற்றுள்ளார். இப்படத்தினை தமிழ்நாடு மற்றும் கேரளாவில் 11:11 புரடக்‌ஷன்ஸ் நிறுவனம் வெளியிடுகிறது.