கண்மணி பாப்பா

தமிழ் சினிமாவில் பேய் கதைகளுக்கு இன்னும் வரவேற்பு இருந்துகொண்டுதான் உள்ளது. அதிலும் நகைச்சுவையும் கலந்த பேய் படங்கள் ரசிகர்களை வெகுவாக சமீப காலங்களில் கவர்ந்து வருகிறது. இதில் எஸ்.எம்.எஸ் பிக்சர்ஸ் மற்றும் வனஜாக்‌ஷி கிரியேஷன் ஆகிய நிறுவனங்கள் இணைந்து ‘கண்மணி பாப்பா’ என்ற திகில் படத்தை தயாரித்துள்ளன. 

இந்த திரைப்படத்தில் தமன்குமார் கதாநாயகனாகவும், மியா ஸ்ரீ கதாநாயகியாகவும் நடித்துள்ளனர். கதையின் முக்கிய பாத்திரமாக இமைக்கா நொடிகள் திரைப்படத்தில் நடித்த குழந்தை நட்சத்திரம் நடிகர் கொட்டாச்சியின் மகள் மானஸ்வி நடித்துள்ளார். இந்த திரைப்படத்தை ஸ்ரீமணி இயக்கி உள்ளார். ஸ்ரீசாய்தேவ் இசையமைத்துள்ளார். முக்கிய பாத்திரத்தில் சிங்கம் புலி நடித்துள்ளார். படத்தின் பெரும்பாலான காட்சிகள் கொடைக்கானலில் எடுக்கப்பட்டுள்ளது.