சிட்ரோயன் நிறுவனம் இந்திய சந்தையில் தனது கார் மாடல்கள் விற்பனையை அதிகப்படுத்தும் நோக்கில், சிறப்பு சலுகைகளை அறிவித்து இருந்தது. தற்போது சலுகைகளின் பலன்களை அதிகபட்சமாக ரூ. 1.5 லட்சம் வரை உயர்த்தி இருக்கிறது.
சிட்ரோயன் C3 மற்றும் C3 ஏர்கிராஸ் மாடல்களுக்கான சலுகைகளை ஏற்கனவே அறிவிக்கப்பட்டதை விட தற்போது ரூ. 50 ஆயிரம் உயர்த்தப்பட்டு இருக்கிறது. இத்துடன் 5 ஆண்டுகளுக்கு நீட்டிக்கப்பட்ட வாரண்டி இலவசமாக வழங்கப்படுகிறது. இந்த சலுகைகள் டிசம்பர் 31-ம் தேதி வரை வழங்கப்படும்.
சிட்ரோயன் C5 ஏர்கிராஸ் மாடலுக்கு ரூ. 2 லட்சம் வரையிலான சலுகைகள் வழங்கப்படுகிறது. இந்த சலுகை நவம்பர் 30-ம் வரை வழங்கப்படுகிறது. இந்திய சந்தையில் சிட்ரோயன் C5 ஏர்கிராஸ் மாடல் ஹூண்டாய் டக்சன், ஸ்கோடா கோடியக் மற்றும் வோக்ஸ்வேகன் டிகுவான் போன்ற மாடல்களுக்கு போட்டியாக அமைகின்றன.
சிட்ரோயன் C3 மற்றும் C3 ஏர்கிராஸ் மாடல்களுக்கு ரூ. 1.5 லட்சம் வரையிலான தள்ளுபடி வழங்கப்படுகிறது. சிட்ரோயன் C3 மாடல் 1.2 லிட்டர் பெட்ரோல் மற்றும் 1.2 லிட்டர் டர்போ பெட்ரோல் என இருவித என்ஜின் ஆப்ஷன்களில் கிடைக்கிறது.
