வார ராசிபலன் 20.4.2025 முதல் 26.4.2025 வரை

20.4.2025 முதல் 26.4.2025 வரை

சகாயங்கள் நிறைந்த வாரம். பாக்கிய அதிபதி சூரியன் உச்சம் பெறுவதால் இளமையாக அழகாக மாறுவீர்கள். வக்கீல்கள், ஆடிட்டர்கள், நீதித் துறையில் இருப்பவர்களுக்கு சிறப்பான வருமானம் உண்டு. தற்காலிகப் பணியாளர்களுக்கு பணி நிரந்தரமாகும்.

சிலர் தொழிலை மாற்றுவார்கள் அல்லது தொழில் முறையை மாற்றி புதுமையை புகுத்துவார்கள். முதலீட்டாளர்களுக்கு நல்ல வேலையாட்கள் கிடைப்பார்கள். தொழில் அதிபர்களுக்கு அரசின் ஒப்பந்தம் கிடைக்கும்.கடன் தொல்லை குறையும். உறவுகளால் ஏற்பட்ட மன பாரம் குறையும். கணவன், மனைவி ஒற்றுமை அதிகரிக்கும்.கொடுத்த கடன்கள் வசூலாகும்.ராகு குறுக்குவழி சிந்தனையை மிகைப்படுத்துவார்.

அர்தாஷ்டமச் சனியின் காலம் என்பதால் அதிர்ஷ்டம் மற்றும் குறுக்கு வழியை நாடக்கூடாது. சிலர் உயர் கல்விக்காக அல்லது வீடு கட்ட கடன் பெறலாம். சிலர் வெளிநாட்டிற்கு பிழைப்பிற்காக இடம் பெயருவார்கள். வாடகை வீட்டுத் தொல்லை அகலும். பெண்கள், நகைச் சீட்டு, ஏலச் சீட்டு என பணத்தை பெருக்குவார்கள். சப்த கன்னிகளை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406