LCD டிஸ்ப்ளே, ஸ்டைலஸ் வசதியுடன் உருவாகும் கேலக்ஸி டேப் S8 FE

செப்டம்பர் மாத வாக்கில் சாம்சங் நிறுவனத்தின் SM-X506B மாடல் நம்பர் கொண்ட டேப்லெட் விவரங்கள் செப்டம்பர் மாத வாக்கில் கீக்பென்ச் தளத்தில் வெளியாகி இருந்தது. தற்போது இந்த டேப்லெட் மாடல் FE பிராண்டிங் கொண்டிருக்கும் என டிப்ஸ்டர் ரோலண்ட் குவாண்ட் தெரிவித்து இருக்கிறார்.

மேலும் புதிய சாம்சங் கேலக்ஸி டேப் S8 FE மாடலில் LCD டிஸ்ப்ளே வழங்கப்படும் என கூறப்படுகிறது. எனினும், இது அதன் முந்தைய மாடலில் இருந்ததை விட அளவில் பெரியதாக இருக்கும் என தெரிகிறது. கேலக்ஸி டேப் S8, S8 பிளஸ் மற்றும் S8 அல்ட்ரா மாடல்களில் சாம்சங் நிறுவனம் AMOELD டிஸ்ப்ளே வழங்கி இருக்கிறது. மேலும் டேப் S8 FE மாடலில் ஸ்லைடஸ் வசதி வழங்கப்படுகிறது.

இத்துடன் மீடியாடெக் 900டி பிராசஸர், மாலி G68 MC-4 GPU வழங்கப்படுகிறது. இது டிமென்சிட்டி 900 பிராசஸருக்கு இணையான ஒன்று ஆகும். மேலும் இத்துடன் 5ஜி மோடெம் வழங்கப்பட்டு இருக்கிறது. முந்தைய தகவல்களின் படி இந்த டேப்லெட் கேலக்ஸி டேப் S8 FE மாடலின் 5ஜி வெர்ஷனாக இருக்கும் என தெரிகிறது. மேலும் இதில் வைபை வெர்ஷன் மட்டுமே இடம்பெற்று இருக்கும் என்றும் இது SM-X500 எனும் மாடல் நம்பர் கொண்டிருக்கும் என கூறப்படுகிறது.

புதிய கேலக்ஸி டேப் S8 FE மாடலில் ஆண்ட்ராய்டு 13 ஒஎஸ், ஒன் யுஐ 5, 4 ஜிபி ரேம் வழங்கப்படுகிறது. முந்தைய கேலக்ஸி டேப் S7 FE மாடலின் பேஸ் வேரியண்டிலும் 4ஜிபி ரேம் வழங்கப்பட்டு இருந்தது குறிப்பிடத்தக்கது. FE மாடல் என்பதால் இதன் விலை சற்று குறைவாகவே நிர்ணயம் செய்யப்படும் என எதிர்பார்க்கலாம்.