புதிய கேஜெட்டுகள்

நத்திங் போன் 2 வெளியீடு - நிறுவனம் கொடுத்த வேற லெவல் அப்டேட்

Published On 2023-05-03 14:51 GMT   |   Update On 2023-05-03 14:51 GMT
  • நத்திங் நிறுவனத்தின் அடுத்த ஸ்மார்ட்போன் ஃபிளாக்ஷிப் தர அம்சங்களை கொண்டிருக்கும்.
  • புதிய நத்திங் போன் (2) மாடலின் வெளியீடு விரைவில் நடைபெற இருக்கிறது.

நத்திங் நிறுவனத்தின் அதிகம் எதிர்பார்க்கப்படும் புதிய தலைமுறை ஸ்மார்ட்போன் மாடல் இந்த ஆண்டு கோடை (அமெரிக்காவில் ஜூன் மாதம்) காலத்தில் அறிமுகம் செய்யப்படும் என்று அந்நிறுவனம் அதிகாரப்பூர்வமாக அறிவித்து இருக்கிறது. மூன்றாவது காலாண்டு வாக்கில் போன் (2) மாடலை அறிமுகம் செய்ய நத்திங் நிறுவனம் முடிவு செய்துள்ளது.

எனினும், புதிய நத்திங் ஸ்மார்ட்போனின் சரியான வெளியீட்டு தேதி இதுவரை அறிவிக்கப்படவில்லை. மாறாக இந்த ஸ்மார்ட்போனின் அம்சங்கள் பற்றிய தகவல்கள் வெளியாகி வருகின்றன. நத்திங் போன் (2) வெளியீட்டை உறுதிப்படுத்தி இருக்கும் நத்திங் நிறுவனம் பயனர்கள் ஸ்மார்ட்போன் பற்றிய அப்டேட்களை சைன்-அப் செய்து அறிந்து கொள்ளலாம் என்று தெரிவித்துள்ளது.

புதிய மாடலுக்கான டீசரில் 'பிரீமியம்' என்ற வார்த்தை பயன்படுத்தப்பட்டு இருக்கிறது. முந்தைய நத்திங் போன் (1) மாடல் மிட்-ரேஞ்ச் பிரிவில் நிலைநிறுத்தப்பட்டு இருந்தது குறிப்பிடத்தக்கது. மிட்-ரேஞ்ச்-இல் இருந்து ஃபிளாக்ஷிப் பிரிவுக்கு கியரை மாற்றுவதாக நத்திங் நிறுவனம் ஏற்கனவே அறிவித்து இருந்தது. அதன்படி புதிய நத்திங் போன் (2) மாடல் குவால்காம் நிறுவனத்தின் ஸ்னாப்டிராகன் 8 பிளஸ் ஜென் 1 பிராசஸர் கொண்டிருக்கும் என்று உறுதியாகி இருக்கிறது.

மற்ற அம்சங்களை பொருத்தவரை நத்திங் போன் (2) மாடலிலும் க்ளிம்ஃப் இண்டர்ஃபேஸ்- பின்புறம் பல்வேறு எல்இடி லைட்களுடன் டிரான்ஸ்பேரண்ட் கேஸ் வழங்கப்படும் என்றே தெரிகிறது. புதிய மாடலில் சிறு மாற்றங்கள் செய்யப்பட்டு, கூடுதலாக மியூட் ஸ்விட்ச் வழங்கப்படும் என்றும் கூறப்படுகிறது. மற்ற நாடுகளில் அறிமுகம் செய்யப்படுவதற்கு முன் இந்த மாடல் சர்வதேச சந்தையில் அறிமுகமாக இருக்கிறது.

Tags:    

Similar News