இன்று விற்பனைக்கு வரும் சியோமி ரெட்மி ஸ்பெஷல் எடிஷன் ஸ்மார்ட்போன்

புதுடெல்லி:

சீன ஸ்மார்ட்போன் நிறுவனமான சியோமி இந்தியாவில் 'வேக் தி லேக்' (Wake the lake) என்ற திட்டத்தின் கீழ் புதிய ஸ்பெஷல் எடிஷன் ஸ்மார்ட்போன் ஒன்றை சில தினங்களுக்கு முன் அறிமுகம் செய்தது. லேக் புளூ எடிஷன் என அழைக்கப்படும் புதிய ஸ்பெஷல் எடிஷன் ஸ்மார்ட்போனில் கிடைக்கும் வருவாய் ஸ்வச் பாரத் அபியம் சார்ந்த திட்டங்களுக்கு வழங்கப்படும் என்றும் சியோமி நிறுவனம் அறிவித்தது.

அந்த வகையில் புதிய ஸ்பெஷல் எடிஷன் ஸ்மார்ட்போனின் நிறம் மட்டும் மாற்றப்பட்டுள்ள நிலையில் ஸ்மார்ட்போனின் சிறப்பம்சங்களில் மாற்றங்கள் மேற்கொள்ளப்படவில்லை. இந்தியாவில் தற்சமயம் அதிகம் விற்பனை செய்யப்படும் ஸ்மார்ட்போனாக ரெட்மி நோட் 4 இருக்கிறது.   

புதிய ஸ்பெஷல் எடிஷன் ரெட்மி நோட் 4 ஸ்மார்ட்போன் விலை ரூ.12,999 என நிர்ணயம் செய்யப்பட்டுள்ளது. ஸ்பெஷல் எடிஷன் ரெட்மி நோட் 4 முதல் பிளாஷ் விற்பனை இன்று (செப்டம்பர் 4-ம் தேதி) மதியம் 12.00 மணிக்கு நடைபெறுகிறது. புதிய ஸ்பெஷல் எடிஷன் ஸ்மார்ட்போன் ப்ளிப்கார்ட், Mi அதிகாரப்பூர்வ வலைத்தளம், Mi ஹோம் ஸ்டோர்களில் விற்பனை செய்யப்படுகிறது.

சியோமி ரெட்மி நோட் 4 சிறப்பம்சங்கள்:

- 5.5 இன்ச் ஃபுல் எச்டி 2.5D வளைந்த கிளாஸ் டிஸ்ப்ளே
- குவால்காம் ஸ்னாப்டிராகன் 625 பிராசஸர்
- 4 ஜிபி ரேம்
- 64 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- 13 எம்பி பிரைமரி கேமரா
- 5 எம்பி செல்ஃபி கேமரா
- ஆண்ட்ராய்டு நௌக்கட் சார்ந்த MIUI 8
- 4100 எம்ஏஎச் பேட்டரி

ஸ்பெஷல் எடிஷன் ரெட்மி நோட் 4 ஸ்மார்ட்போனினை வாங்குவோருக்கு ப்ளிப்கார்ட் தளத்தில் மாத தவணை முறை வசதி, தேர்வு செய்யப்பட்ட வங்கிகளின் கிரெடிட் கார்டுகளை பயன்படுத்தும் போது கூடுதலாக 5 சதவிகிதம் வரை தள்ளுபடி வழங்கப்படுகிறது.

இந்தியாவில் சியோமி ரெட்மி நோட் 4 ஸ்மார்ட்போனினை கடந்த ஆறு மாதங்களில் மட்டும் 50 லட்சத்திற்கும் அதிகமானோர் வாங்கியுள்ளனர். இதேபோன்று IDC Q2 2017 அறிக்கையின் படி இந்திய ஸ்மார்ட்போன் வரலாற்றில் அதிகம் விநியோகம் செய்யப்பட்ட ஸ்மார்ட்போனாக ரெட்மி நோட் 4 இருப்பதாக தெரிவிக்கப்பட்டது.