டிரிபிள் ஜம்ப்: வெனிசுலா வீராங்கனை உலக சாதனையுடன் தங்கம் வென்று அசத்தல்

டோக்கியோ ஒலிம்பிக்கில் பெண்களுக்கான லாங்க் ஜம்ப் போட்டி நேற்று நடைபெற்றது. இறுதிச் சுற்றில் 12 வீராங்கனைகள் கலந்து கொண்டனர். ஒவ்வொரு வீராங்கனைகளுக்கும்  6 வாய்ப்புகள் வழங்கப்படும். இதில் எது அவர்களுடைய சிறப்பான தாண்டுதலோ, அது போட்டி முடிவுக்கு எடுத்துக் கொள்ளப்படும்.

அதன்படி வெனிசுலாவின் யுலிமார் ரோஜாஸ் 6-வது வாய்ப்பில் 15.67 (+0.7) மீட்டர் தூரத்திற்கு தாண்டினார். மற்ற வீராங்கனைகள் இந்த தூரத்தை விட குறைவாகவே தாண்டியதால் யுலிமார் ரோஜாஸ் முதலிடம் பிடித்து தங்கப்பதக்கம் வென்றார்.

இவர் தாண்டியது உலக சாதனையாகும். அத்துடன் வெனிசுலாவுக்கு முதல் தங்கப்பதக்கத்தை வாங்கிக் கொடுத்துள்ளார்.