ராணுவ பயிற்சியை சிறப்பாக முடித்த தென்கொரிய கால்பந்து வீரர் சன் ஹியுங்-மின்

தென்கொரியாவைச் சேர்ந்த கால்பந்து வீரர் சன் ஹியுங்-மின். ஆசிய மண்டலத்தில் இருந்து இங்கிலீஷ் பிரிமீயர் லீக்கில் விளையாடும் ஒரே வீரர் இவர்தான். தனது திறமையான ஆட்டத்தால் அணியின் முன்னணி வீரராக திகழ்ந்து வருகிறார்.

கடந்த மார்ச் மாதம் 12-ந்தேதியில் இருந்து கொரோனா வைரஸ் தொற்று காரணமாக கால்பந்து போட்டிகள் அனைத்தும் ஒத்திவைக்கப்பட்டுள்ளன. இந்த நேரத்தில் சன் ஹியுங்-மின் தென்கொரியாவின் ராணுவத்தில் இணைந்து பயிற்சி பெற முடிவு செய்தார்.

அதன்படி கடந்த மூன்று ஆண்டுகளாக தென்கொரிய கப்பற்படை முகாமில் தீவிர பயிற்சி மேற்கொண்டார். ராணுவ அடிப்படையிலான பயிற்சிகள், பாதுகாப்பு குறித்த படிப்பு, துப்பாக்கிகளை சரியாக கையாள்வது, கண்ணீர் புகைக்குண்டுகளை பயன்படுத்துவது போன்ற பயிற்சிகளை சிறப்பாக முடித்து பாராட்டுக்களையும் பெற்றுள்ளார்.

சன் ஹியுங்-மின் எம்-16 தாக்குதல் துப்பாக்கியை கையில் வைத்திருக்கும் படத்தை கப்பற்படை பேஸ்புக் பக்கத்தில் பதிவிட்டு சன் ஹியுங்-மின்னுக்கு சல்யூட் அடித்த போன்ற படத்தை வெளியிட்டு கவுரவித்துள்ளது.

தென்கொரிய நாட்டின் சட்டப்படி ஆண்கள் கட்டாயமாக இரண்டு வருடங்கள் ராணுவத்தில் பணிபுரிய வேண்டும். வடகொரியா 13 லட்சம் ராணுவ வீரர்களை கொண்டுள்ள நிலையில் தென்கொரியா ஆறு லட்சம் ராணுவ வீரர்களை மட்டுமே வைத்துள்ளது. ராணுவத்தின் பலத்தை கூட்டுவதற்காகவே இந்த பழக்கம் நடைமுறையில் உள்ளது.