இடது கை சுழற்பந்து வீச்சாளரான பிரக்யான் ஓஜா அனைத்து வகை கிரிக்கெட்டில் இருந்தும் ஓய்வு

இந்திய கிரிக்கெட் அணிக்காக விளையாடிய சுழற்பந்து வீச்சாளர்களில் ஒருவர் பிரக்யான் ஓஜா. 33 வயதாகும் இந்திய அணிக்காக 24 டெஸ்ட், 18 ஒருநாள் மற்றும் 6 டி20 போட்டிகளில் விளையாடியுள்ளார்.

இவர் அனைத்து வகை கிரிக்கெட்டிலும் இருந்து ஓய்வு பெறுவதாக அறிவித்துள்ளார். சச்சின் தெண்டுல்கர் கடந்த 2013-ம் ஆண்டு வெஸ்ட் இண்டீஸ் அணிக்கெதிராக மும்பையில் நடைபெற்ற போட்டியோடு கிரிக்கெட்டில் இருந்து விடைபெற்றார். அந்த போட்டியில்தான் ஓஜா கடைசியாக இந்திய அணிக்காக விளையாடினார்.

முதல் தர கிரிக்கெட்டில் கடந்த 2018-ம் ஆண்டு பீகார் அணிக்காக விளையாடினார். அதன்பின் ஓஜா கிரிக்கெட் விளையாடியது கிடையாது. ஐபிஎல் டி20 லீக்கில் டெக்கான் சார்ஜர்ஸ், மும்பை இந்தியன்ஸ் அணிக்காக விளையாடியுள்ளார்.