தப்பித்தேன்- கிறிஸ் லின், விடமாட்டேன், சந்தித்தே தீர வேண்டும் என்றார் பும்ரா

ஐபிஎல் 2020 சீசனுக்கான வீரர்கள் ஏலம் கொல்கத்தாவில் நேற்று நடைபெற்றது. கொல்கத்தா அணியில் இடம் பிடித்திருந்த தொடக்க வீரர் கிறிஸ் லின்னை மும்பை இந்தியன்ஸ் அணி அவரது அடிப்படை விலையான 2 கோடி ரூபாய்க்கு வாங்கியது.

மும்பை இந்தியன்ஸ் அணி வாங்கியதும் கிறிஸ் லின் தனது டுவிட்டர் பக்கத்தில் ‘‘மும்பை இந்தியன்ஸ், கிரேட் சிட்டி, தரமான அணி, பேட்டிங் செய்ய சாதகமான ஆடுகளம், பும்ராவிற்கு எதிராக விளையாட வேண்டியதில்லை, ஐபிஎல் 2020-க்காக காத்திருக்க முடியாது’’ என்று பதிவிட்டிருந்தார்.

அவரை சீண்டும் வகையில் பும்ரா ‘‘Haha, அணிக்கு வரவேற்கிறேன். கிறிஸ் லின், நீங்கள் இன்னும் என்னை வலைப்பயிற்சியில் எதிர்கொள்ள வேண்டும்’’ என பதில் அளித்துள்ளார்.

மும்பை இந்தியன்ஸ் அணியின் நட்சத்திர பந்து வீச்சாளராக பும்ரா உள்ளார். யார்க்கர், பவுன்ஸர் பந்துகளால் எதிரணி பேட்ஸ்மேன்களை அச்சுறுத்தி வருகிறார் என்பது குறிப்பிடத்தக்கது.