செய்திகள்
ஐஎஸ்எல் கால்பந்து - கேரளாவை வீழ்த்தி முதல் வெற்றியை பெற்றது ஐதராபாத்
ஐதராபாத்தில் நடைபெற்ற ஐ.எஸ்.எல். கால்பந்து போட்டியில் கேரளாவை 2-1 என்ற கணக்கில் வீழ்த்தி ஐதராபாத் அணி தனது முதல் வெற்றியை பதிவுசெய்தது.
ஐதராபாத்:
10 அணிகள் இடையிலான 6-வது இந்தியன் சூப்பர் லீக் (ஐ.எஸ்.எல்.) கால்பந்து தொடர் பல்வேறு நகரங்களில் நடந்து வருகிறது.
ஐதராபாத்தில் இன்று இரவு நடைபெற்ற லீக் ஆட்டத்தில் கேரளா பிளாஸ்டர்ஸ், ஐதராபாத் எப்.சி அணிகள் மோதின.
கேரளா அணியின் ராகுல் 34-வது நிமிடத்தில் ஒரு கோல் அடித்தார். இதனால் ஆட்டத்தின் முதல் பாதியில் கேரளா அணி 1-0 என முன்னிலை பெற்றது.
இரண்டாவது பாதியில் ஐதராபாத் அணி வீரர்கள் அபாரமாக ஆடினர். அந்த அணியின் ஸ்டன்கோவிக் 54வது நிமிடத்திலும், பெரைரா 81வது நிமிடத்திலும் தலா ஒரு கோல் அடித்தனர்.
இறுதியில், ஐதராபாத் அணி 2-1 என கேரளா அணியை வீழ்த்தி, தனது முதல் வெற்றியை பதிவு செய்தது.