டி20 பிளாஸ்ட்- கென்ட் அணியை வீழ்த்தி அரையிறுதிக்கு முன்னேறியது லங்காஷைர்

இங்கிலாந்தில் டி20 பிளாஸ்ட் கிரிக்கெட் தொடர் நடைபெற்று வருகிறது. லீக் ஆட்டங்கள் முடிந்து தற்போது காலிறுதி ஆட்டங்கள் நடைபெற்று வருகிறது. முதல் காலிறுதி ஆட்டத்தில் கென்ட் - லங்காஷைர் அணிகள் மோதின.

டாஸ் வென்ற கென்ட் அணி பேட்டிங் தேர்வு செய்தது. அந்த அணியால் 20 ஓவர் முடிவில் 9 விக்கெட் இழப்பிற்கு 133 ரன்கள் மட்டுமே எடுக்க முடிந்தது. கேப்டனும், விக்கெட் கீப்பரும் ஆன சாம் பில்லிங்ஸ் அதிகபட்சமாக 37 ரன்கள் சேர்த்தார்.



பின்னர் 134 ரன்கள் அடித்தால் வெற்றி என்ற இலக்குடன் லங்காஷைர் அணி களம் இறங்கியது. முதல் மூன்று வீரர்களான டேவியஸ் (15), பட்லர் (0), லில்லி (9) சொற் ரன்களில் ஆட்டமிழந்தாலும், ஜென்னிங்ஸ் சிறப்பாக விளையாடி 46 ரன்கள் சேர்த்தார்.

அதன்பின் வந்த கேப்டன் விலாஸ், கிளார்க் ஆகியோர் அவுட்டாகாமல் முறையே 30, 29 ரன்கள் அடிக்க லங்காஷைர் 18.4 ஓவரில 4 விக்கெட் இழப்பிற்கு 134 ரன்கள் எடுத்து 6 விக்கெட் வித்தியாசத்தில் அபார வெற்றி பெற்றது.