வியட்னாம் ஒபன் பேட்மிட்டன் - இந்தியாவின் அஜய் ஜெயராமன் இறுதி போட்டிக்கு தகுதி

ஹனோய்:

வியட்னாமில் நடைபெற்று வரும் ஆண்களுக்கான பேட்மிட்டன் சாம்பியன்ஷிப் தொடரின் அரை இறுதி போட்டியில் இந்தியாவின் அஜய் ஜெயராம், உலக பேட்மிட்டன் தரவரிசையில் 7-ம் இடத்தில் உள்ள ஜப்பானின் யூ இக்ராஷியுடன் இன்று மோதினார். 

விருவிருப்புடன் நடைபெற்ற இந்த ஆட்டத்தில் ஜெயராமன் மற்றும் இக்ராஷி இடையே கடும் போட்டி நடந்து வந்தது. இதில், 21-14,  21-19 என்ற கணக்கில் இக்ராஷியை வீழ்த்தி அஜய் ஜெயராமன் இறுதி போட்டிக்கு தகுதி பெற்றுள்ளார்.

சமீப காலமாக ஜெயராமன் தசைபிடிப்பு காரணமாக ஓய்வு பெற்றிருந்த நிலையில் தற்போது சிறப்பான ஆட்டத்தை வெளிப்படுத்தியுள்ளார். இவர் உலக பேட்மிட்டன் தரவரிசையில் 13-ம் இடம் பெற்றிருந்தவர் என்பது குறிப்பிடத்தக்கது. #VietnamOpen #AjayJayaram