ஐ.சி.சி.சாம்பியன்ஸ் டிராபி: ‘ஏ’ பிரிவு அணிகள் கண்ணோட்டம்

மினி உலக கோப்பை என்று அழைக்கப்படும் ஐ.சி.சி.சாம்பியன்ஸ் டிராபி கிரிக்கெட் போட்டி வருகிற 1-ம் தேதி தொடங்குகிறது.

இந்தப்போட்டியில் தர வரிசையில் ’டாப் 8-ல்’ உள்ள அணிகள் பங்கேற்கின்றன. அவை இரண்டு பிரிவாக பிரிக்கப்பட்டுள்ளது.

ஒவ்வோரு அணியும் தங்கள் பிரிவில் உள்ள அணியுடம் தலா ஒரு முறை மோத வேண்டும். ‘லீக்’ முடிவில் புள்ளிகள் அடிப்படையில் இரண்டு பிரிவிலும் முதல் இரண்டு இடங்களை பிடிக்கும் அணிக்கும் அரை இறுதிக்குக் தகுதி பெரும்.

ஆஸ்திரேலியா

ஆஸ்திரேலியா 3-வது முறையாக சாம்பியன்ஸ் டிராபியை வெல்லும் ஆர்வத்தில் ஆஸ்திரேலியா உள்ளது. 2006-ல் வெஸ்ட் இண்டீசையும், 2009-ல் நியூசிலாந்தையும் வீழ்த்தி கோப்பையை வென்று இருந்தது. கடந்த முறை அரை இறுதியில் வாய்ப்பை இழந்த அந்த அணிக்கு தற்போது நாக் அவுட் சுற்றுக்கு நுழைவதில் சிக்கல் இருக்காது என்றே கருதப்படுகிறது.

பேட்டிங்  மற்றும் பந்து வீச்சில் சம பலத்துடன் அந்த அணி இருக்கிறது. இங்கிலாந்து ஆடுகளங்களில் ஆஸ்திரேலியா வேகப்பந்து வீச்சு எடுபடும். மிக்சேல் ஸ்டார்க், கேப்டன் ஸ்மித், டேவிட் வார்னர் ஆகியோர் முத்திரை பதிக்க கூடியவர்கள்.


ஸ்டீவன் சுமித் (கேப்டன்), வார்னர், ஆரோன் பிஞ்ச், மேக்ஸ்வெல், ஹென்ரிக்ஸ், கிறிஸ்லின், கும்மின்ஸ், ஹாஸ்டிங்ஸ், டிரெவிஸ் ஹெட், ஹாசல்வுட், மேத்யூ வாடே, ஸ்டோனிஸ், பேட்டின்சன், ஸ்டார்க், ஆடம் ஜம்பா.

இங்கிலாந்து

இங்கிலாந்து அணி சமீபகாலமாக ஒரு நாள் போட்டியில் மிகவும் சிறப்பாக விளையாடி வருகிறது. சிறந்த ஆல்ரவுண்டர்களையும், அதிரடி பேட்ஸ்மேன்களையும், துல்லியமாக விக்கெட் கைப்பற்றும் பவுலர்களையும் கொண்ட அந்த அணி முதல் முறையாக சாம்பியன்ஸ் டிராபியை வெல்லும் ஆர்வத்தில் உள்ளது.

இரண்டு முறை இறுதிப்போட்டியில் தோற்று கோப்பையை இழந்த அந்த அணி தற்போது பட்டம் வெல்ல வாய்ப்புள்ள முன்னணி அணியாக திகழ்கிறது. சொந்த மண்ணில் விளையாடுவது கூடுதல் பலமே. ஜோரூட், பென்ஸ்டோக்ஸ் அந்த அணியின் துருப்பு சீட்டுகள்.



மார்கன் (கேப்டன்), ஜேசன்ராய், ஜோரூட், மொய்ன் அலி, பேர்ஸ்டோவ், சாம்பில்லிங்ஸ், பட்லர், ஹால்ஸ், ஜேக்பால், புரென் கெட், ஆதில் ரஷீத், பென்ஸ்டோக்ஸ், டேவிட் வில்லி, கிறிஸ் வோக்ஸ், மார்க்வுட்.

நியூசிலாந்து

வில்லியம்சன் தலைமையிலான நியூசிலாந்து அணி 2-வது முறையாக சாம்பியன்ஸ் டிராபியை வெல்லும் வேட்கையில் உள்ளது.

இதற்கு முன்பு அந்த அணி 2000-ம் ஆண்டு இந்தியாவை வீழ்த்தி பட்டம் பெற்று இருந்தது. தற்போதைய நியூசிலாந்து அணி சமபலத்துடன் திகழ்கிறது. அரை இறுதியில் நுழைவது சவாலானதே. கேப்டன் வில்லியம்சன், வேகப்பந்து வீரர் டிரென்ட் போல்ட் ஆகியோர் மீது அதிக எதிர்பார்ப்பு இருக்கிறது.



வில்லியம்சன் (கேப்டன்), ஆண்டர்சன், குப்தில், ரோஸ் டெய்லர், டாம்லாதம், கோலின் கிரண்ட்ஹோம், நீல்ரூம், போல்ட், மெக்லகன், ரோஞ்சி, ஆடம் மிலின், ஜேம்ஸ், நீசம், ஜித்தன் பட்டேல், சவுத்தி, சான்ட்னெர்.

வங்காளதேசம்

வெஸ்ட்இண்டீசை தர வரிசையில் பின்னுக்கு தள்ளியதால் வங்காளதேசம் வாய்ப்பை பெற்றது. அந்த அணி 3-வது முறையாக இந்தப் போட்டியில் பங்கேற்கிறது. இதுவரை 8 ஆட்டத்தில் விளையாடி ஒன்றில் மட்டுமே வெற்றி பெற்று இருக்கிறது.

முன்னணி அணிகளுக்கு அதிர்ச்சி கொடுக்கும் ஆர்வத்தில் உள்ளது. முஷ்பிகுர் ரகீம், சவுமியா சர்க்கார் தாக்கத்தை ஏற்படுத்தக்கூடியவர்கள்.

மொர்தாசா (கேப்டன்), இம்ருல் கய்ஸ், மகமதுல்லா, மெகதி ஹசன், முஷ்பிகுர் ரகீம், ரூபெல் உசேன், சகீப்-அல்-ஹசன், மொசடக் உசேன், முஷ்டாபிசுர், ரகுமான், சபீர் ரகுமான், சைபுல் இஸ்லாம், சவுமியா சர்க்கார், சன் சாமுல் இஸ்லாம், தமிம் இக்பால், தக்சின் அகமது.



மினி உலக கோப்பை என்று அழைக்கப்படும் ஐ.சி.சி. சாம்பியன்ஸ் டிராபி கிரிக்கெட் போட்டி இங்கிலாந்தில் வருகிற 1-ந் தேதி தொடங்குகிறது.

இந்தப்போட்டியில் தர வரிசையில் ‘டாப் 8-ல்’ உள்ள நாடுகள் பங்கேற்கின்றன. அவை இரண்டு பிரிவாக பிரிக்கப்பட்டுள்ளது.

ஒவ்வொரு அணியும், தங்கள் பிரிவில் உள்ள மற்ற அணியுடன் தலா 1 முறை மோத வேண்டும். ‘லீக்’ முடிவில் புள்ளிகள் அடிப்படையில் இரண்டு பிரிவிலும் முதல் இரண்டு இடங்களை பிடிக்கும் அணிகள் அரை இறுதிக்கு தகுதி பெறும்.