மருத்துவ காப்பீடு பதிவு சேர்க்கை முகாம்

வேலூர்:

வேலூர் கலெக்டர் குமாரவேல் பாண்டியன் வெளியிட்டுள்ள அறிக்கையில் கூறியிருப்பதாவது :-

தமிழ்நாடு முழுவதும் முன்னாள் முதல் அமைச்சர் கருணாநிதி நூற்றாண்டு பிறந்தநாள் விழா கொண்டாட்டத்தின் ஒரு பகுதியாக முதல் அமைச்சரின் விரிவான மருத்துவக் காப்பீட்டு திட்டத்தின்கீழ் 100 சிறப்பு பதிவு சேர்க்கை முகாம்கள் நடைபெறுகிறது.

அதன் அடிப்படையில், வேலூர் மாவட்டத்தில் 2 இடங்களில் முதல் அமைச்சரின் விரிவான மருத்துவ காப்பீடு சிறப்பு பதிவு சேர்க்கை முகாம்கள் நாளை நடக்கிறது.

அணைக்கட்டு அரசு ஆண்கள் மேல்நிலை பள்ளியிலும், வேலூர் அரசு முஸ்லிம் மேல்நிலை பள்ளியிலும் நடைபெற உள்ளது.

இம்முகாமில் இதுவரை முதல் அமைச்சரின் விரிவான மருத்துவ காப்பீட்டு திட்டத்தில் பதிவு செய்யாத பயனாளிகள் தங்களது குடும்ப அட்டை மற்றும் ஆதார் அட்டையுடன் வந்து பதிவு செய்து பயனடையலாம்.

மேலும், இம்முகாமில் பதிவு செய்ய தவறியவர்கள் வேலூர் கலெக்டர் கூடுதல் அலுவலக வளாகத்தில் இயங்கி வரும் பதிவு மையத்தில் வந்து பதிவு செய்து கொள்ளலாம். இவ்வாறு அதில் கூறப்பட்டுள்ளது.