100 கிலோ ராட்சத திருக்கை மீன் ரூ.10 ஆயிரத்துக்கு விற்பனை

புதுக்கோட்டை:

புதுக்கோட்டை மாவட்டம் கட்டுமாவடியில் பெரிய மீன் மார்க்கெட் உள்ளது. இங்கு விசைப்படகு மீனவர் வலையில் சிக்கிய சுமார் 100 கிலோ எடை கொண்ட ராட்சத திருக்கை மீன் விற்பனைக்கு வந்தது. புள்ளி திருக்கை என்று அழைக்கப்படும் இந்த மீன் கிடைப்பது மிகவும் அரிது. இந்த திருக்கை மீன் மருத்துவ குணம் நிறைந்ததாக கூறப்படுகிறது.

5 பேர் சேர்ந்து தூக்க கூடிய இந்த திருக்கை மீன் ரூ.10 ஆயிரத்திற்கு ஏலம் போனது. மீனவர் ஒருவர் கூறியதாவது :- மற்ற நாட்களில் இந்த திருக்கை மீன் ரூ.12 ஆயிரத்துக்கு விலை ேபாகும். ஆனால் ஆடி மாதமாக இருப்பதால் மீன் வாங்குவதற்கு ஆள் இல்லை. இதனால் குறைவாக விலை போனது. சந்தையில் இந்த திருக்கை மீன் ஒரு கிலோ ரூ.200 முதல் ரூ.250 வரை விற்பனையாகிறது. இவ்வாறு அவர் கூறினார். ராட்சத திருக்கை மீனை பார்க்க மக்கள் கூட்டம் அலைமோதியது.