உள்ளூர் செய்திகள்
ஜக்கனாரை தும்பூர் ஊராட்சி தொடக்கப்பள்ளியில் புதிய கழிப்பிடம் கட்ட வேண்டும்
கழிப்பிடம் 300 மீட்டர் தொலைவில் இருப்பதால், மாணவர்கள் மிகவும் சிரமப்படுகின்றனர். இதுகுறித்து பலமுறை பெற்றோர் ஆசிரியர் கழகத்தின் மூலமாக மனுக்கள் அளித்து இதுவரை எந்தவித நடவடிக்கையும் இல்லை.
அரவேணு:
ஜக்கனாரை ஊராட்சிக்குட்பட்ட தும்பூரில் ஊராட்சி ஒன்றிய தொடக்கப்பள்ளி செயல்பட்டு வருகிறது. இந்த பள்ளியில் சுற்றுவட்டார பகுதிகளை சேர்ந்த 45 குழந்தைகள் படித்து வருகிறார்கள்.
இந்த பள்ளியில் மாணவ, மாணவிகளுக்கு கழிப்பிடம் கட்டப்பட்டு உள்ளது. இந்த கழிப்பிடம் உரிய பராமரிப்பின்றி காட்சி அளிக்கிறது. கழிப்பிடம் 300 மீட்டர் தொலைவில் இருப்பதால், மாணவர்கள் மிகவும் சிரமப்படுகின்றனர். இதுகுறித்து பலமுறை பெற்றோர் ஆசிரியர் கழகத்தின் மூலமாக மனுக்கள் அளித்து இதுவரை எந்தவித நடவடிக்கையும் இல்லை.
எனவே சம்பந்தப்பட்ட துறையினர் உடனடியாக பள்ளியின் பக்கத்திலேயே குழந்தைகளுக்கான கழிப்பறை வசதியை செய்து தர வேண்டும் பெற்றோர்ஆசிரியர் கழகத்தின் சார்பாக கோரிக்கை விடுத்துள்ளனர்.