உள்ளூர் செய்திகள்
ஆதித்தமிழர் விடுதலை இயக்கம் சார்பில் அம்பேத்கர் பிறந்தநாள் விழா
- சட்ட மாமேதை அம்பேத்கரின் 132-வது பிறந்த தினம் நேற்று கொண்டாடப்பட்டது.
- பொன்னேரி அம்பேத்கர் திரு உருவச் சிலை முன் ஆதித்தமிழர் விடுதலை இயக்கம் உறுதிமொழி எடுத்தது.
பொன்னேரி:
சட்ட மாமேதை அம்பேத்கரின் 132-வது பிறந்த தினத்தை முன்னிட்டு ஆதித்தமிழர் விடுதலை இயக்கத்தின் பொதுச் செயலாளர் வினோத் தலைமையில் பொன்னேரியில் உள்ள அம்பேத்கர் திரு உருவச் சிலைக்கு 500-க்கும் மேற்பட்ட மக்களோடு அணிவகுப்பு நடத்தி திருவுருவச் சிலைக்கு புகழ் வணக்கம் உறுதிமொழி ஏற்றுக்கொண்டார்கள்.
இந்த நிகழ்ச்சியில் கோ.தேவராசு, வழக்கறிஞர் அணி செயலாளர் அருள்தாசு, கொள்கை பரப்புச் செயலாளர் வெற்றிச்செல்வன், மையக்குழு உறுப்பினர் இளம்தென்றல் யாபேசு, ஒன்றிய செயலாளர் மோகன் மற்றும் ஆதித்தமிழர் கலைக்குழு மாவட்ட ஒன்றிய பொறுப்பாளர்கள் பங்கேற்று புகழ் வணக்கம் செலுத்தினர். இதில் நிர்வாகிகள் பலர் கலந்துகொண்டனர்.