ஊட்டியில் கஞ்சா விற்ற 2 பேர் கைது

ஊட்டி:

ஊட்டி அருகே காந்தல் பகுதியில் இரு வாலிபர்கள் கஞ்சா விற்பதாக போலீசாருக்கு தகவல் கிடைத்தது. ஊட்டி இன்ஸ்பெக்டர் விநாயகம் தலைமையில், ரோந்து பணியில் ஈடுபட்டிருந்த போலீசார் சம்பவ இடத்துக்கு சென்று சோதனை நடத்தினர்.

அப்போது, கஞ்சா விற்ற 2 வாலிபர்களையும் கையும் களவுமாக பிடித்தனர். விசாரணையில், காந்தல் கஸ்தூரி பாய் காலனியை சேர்ந்த அருண்(22), குருசடி காலனியை சேர்ந்த குட்வின் (22) ஆகியோர் மீது போலீசார் வழக்கு பதிவு செய்து கைது செய்து சிறையில் அடைத்தனர். கஞ்சா பொட்டலங்களை பறிமுதல் செய்தனர்.