தேவசகாயம் மவுண்டில் மறைசாட்சி தேவசகாயம் பிள்ளை உயிர் தியாக விழா

ஆரல்வாய்மொழி தேவசகாயம் மவுண்டில் தூய வியாகுல அன்னை ஆலயம், மறைசாட்சி தேவசகாயம் பிள்ளை ஆலயம் என இரட்டை திருத்தலம் உள்ளது. இங்குள்ள மறைசாட்சி தேவசகாயம்பிள்ளை உயிர் தியாக விழா இன்று (சனிக்கிழமை) தொடங்கி 3 நாட்கள் நடக்கிறது.

இன்று காலை 6 மணிக்கு திருப்பலி, மாலை 4.30 மணிக்கு கொடிவலம், ஜெபமாலை, இரவு 7 மணிக்கு மறைமாவட்ட முதன்மை பணியாளர் பெர்பெச்சுவல் ஆன்டணி தலைமை தாங்கி மறைசாட்சி தேவசகாயம்பிள்ளை திருவிழா கொடியேற்றுகிறார்.

13-ந்தேதி காலை திருப்பலி, மாலை ஆராதனை, 14-ந்தேதி காலை 6 மணிக்கு திருப்பலி, 11 மணிக்கு மலைவலம், நண்பகல் 12 மணிக்கு அன்பு விருந்து மாலை 6.30 மணிக்கு ஜெபமாலை, இரவு 7 மணிக்கு ராஜாவூர் பங்குதந்தை தால்ப் கிராண்ட்மதன் தலைமை தாங்கி பெருவிழா திருப்பலியை நிறைவேற்றுகிறார். ஆன்டனி மறையுரையாற்றுகிறார். இரவு 8.30 மணிக்கு சப்பரபவனி நடைபெறுகிறது.

விழாவுக்கான ஏற்பாடுகளை தேவசகாயம் மவுண்ட் பங்குதந்தை, பங்கு பேரவையினர், பங்குமக்கள், அருட்சகோதரிகள் செய்து வருகிறார்கள்.