பார்டர்

‘குற்றம் 23’ படத்தை அடுத்து அருண் விஜய்யும், இயக்குனர் அறிவழகனும் மீண்டும் இணைந்து பணியாற்றியுள்ள படம் ‘பார்டர்’. இப்படத்தில் நடிகைகள் ரெஜினா கசன்ட்ரா, ஸ்டெபி பட்டேல் ஆகிய இருவரும் கதாநாயகிகளாக நடித்து இருக்கிறார்கள். விஜய ராகவேந்திரா தயாரித்துள்ள இப்படத்திற்கு சாம் சி.எஸ். இசையமைத்துள்ளார்.

படத்தை பற்றி அருண் விஜய் கூறியதாவது: “என் கலையுலக பயணத்தில் நான் நம்புகிற ஒரு சில இயக்குனர்களில் அறிவழகனும் ஒருவர். ஒரு நடிகருக்கு பக்கபலமாக இருப்பவர் டைரக்டர்தான். அந்த வகையில் எனக்கு பக்கபலமாகவும், புரிதலுமாகவும் அறிவழகன் இருக்கிறார்.

இந்த படத்துக்கு ‘பார்டர்’ என்ற தலைப்பு மிக பொருத்தமாக அமைந்து இருப்பதை வெற்றிக்கான ஆசியாக நினைக்கிறேன். ‘பார்டர்’ படம் என்னை அடுத்த கட்டத்துக்கு நகர்த்தும் என்று நம்புகிறேன்”. இவ்வாறு அருண் விஜய் தெரிவித்தார்.