கடைசில இந்த நாயகிக்கும் திருமணமா - வருத்தத்தில் ரசிகர்கள்

தமிழ், தெலுங்கு என முன்னணி நாயகியாக வலம் வருகிறாராம் பெரிய நம்பர் நடிகை. இந்த நடிகை சினிமாவில் அறிமுகமான தருணத்தில் நடிகைக்கும், வம்பு நாயகனுக்கும் இடையே காதல் இருந்ததாம். விரைவில் இருவரும் திருமணம் செய்து கொள்வார்கள் என்று எதிர்பார்த்த நிலையில் இருவரும் பிரிந்தார்கள். 

இதையடுத்து ஆட்டம் போடும் நடிகர் இயக்கிய படத்தில் நடித்த நாயகியும், அந்த இயக்குநரும் திருமணம் வரை சென்ற நிலையில், இருவரும் பிரிந்தனர். இதையடுத்து படத்தின் மீது தீவிர கவனம் செலுத்திய நாயகி தற்போது தமிழ் சினிமாவில் முன்னணி நாயகியாக வலம் வருகிறார். 

இப்படி இருக்கையில், மற்றொரு இயக்குநரிடம் காதல் வயப்பட்டிருக்கிறாராம் அந்த நடிகை. இருவரும் ஒன்றாக ஊர் சுற்றுவது, வெளிநாடுகளுக்கு ஒன்றாக செல்வது, ஒரே வீட்டில் தங்குவது என சந்தோஷமாக இருக்கிறார்களாம். இப்படி இருக்கையில் அந்த நாயகிக்கும் இயக்குநருக்கும் விரைவில் திருமணம் நடக்க இருக்கிறதாம். 

இந்த விஷயத்தை பிரபல இசையமைப்பாளர் ஒருவர் பொது மேடையிலேயே உளறிவிட்டாராம். எனவே இவர்களது திருமணம் விரைவில் நடப்பது உறுதியாகிவிட்டதாக கோலிவுட்டில் ஒரு கிசுகிசுக்கப்படுகிறது.