மீண்டும் வெளியாகும் 'மாளிகப்புரம்'

அறிமுக இயக்குனர் விஷ்ணு சசி சங்கர் இயக்கத்தில் உன்னி முகுந்தன் முக்கிய கதாபாத்திரத்தில் நடித்துள்ள திரைப்படம் 'மாளிகப்புரம்'. இப்படத்தில் குழந்தை நட்சத்திரங்களான தேவானந்தனா, ஸ்ரீபாத் யான், சைஜு குருப், ரமேஷ் பிஷாரடி, ரஞ்சி பணிக்கர், டி.ஜி.ரவி, ஸ்ரீஜித் ரவி உள்ளிட்ட பல நட்சத்திரங்கள் நடித்துள்ளனர்.

மாளிகப்புரம்

விஷ்ணு நாராயணன் ஒளிப்பதிவு செய்துள்ள இப்படத்திற்கு அபிலாஷ் பிள்ளை திரைக்கதை எழுதியுள்ளார். சந்தோஷ் வர்மா, பி.கே. ஹரிநாராயணன் பாடல்கள் எழுத, ரஞ்சின் ராஜ் இசையமைத்துள்ளார். அன் மேகா மீடியா (Ann Mega Media) மற்றும் காவ்யா பிலிம்ஸ் (Kavya Film Company) சார்பில் பிரியா வேணு மற்றும் நீதா பின்டோ இணைந்து தயாரித்துள்ள இப்படம் சமீபத்தில் தமிழில் வெளியானது.

மாளிகப்புரம் போஸ்டர்

இந்நிலையில், இப்படத்தின் ஓடிடி ரிலீஸ் தேதி குறித்த அறிவிப்பு வெளியாகியுள்ளது. அதன்படி, 'மாளிகப்புரம்' திரைப்படம் வருகிற பிப்ரவரி 15-ஆம் தேதி டிஸ்னி பிளஸ் ஹாட்ஸ்டார் ஓடிடி தளத்தில் வெளியாகவுள்ளது. இதனை படக்குழு போஸ்டர் ஒன்றை வெளியிட்டு அறிவித்துள்ளது.