சினிமா
எஸ்.பி.ஜனநாதனுக்கு பாடலை சமர்ப்பிக்கும் லாபம் படக்குழுவினர்
எஸ்.பி.ஜனநாதன் இயக்கத்தில் விஜய் சேதுபதி, ஸ்ருதிஹாசன் நடிப்பில் உருவாகி இருக்கும் லாபம் படக்குழுவினர் புதிய அறிவிப்பு ஒன்றை வெளியிட்டுள்ளனர்.
விஜய் சேதுபதி நடிப்பில் தற்போது உருவாகி இருக்கும் படம் ‘லாபம்’. எஸ்.பி.ஜனநாதன் இயக்கி இருக்கும் இப்படத்தில் விஜய் சேதுபதிக்கு ஜோடியாக ஸ்ருதிஹாசன் நடித்துள்ளார். இப்படத்தின் படப்பிடிப்புகள் முடிந்து பின்னணி வேலைகள் நடைபெற்று வரும் நிலையில், இயக்குனர் எஸ்.பி.ஜனநாதன் உடல் நலக்குறைவு காரணமாக காலமானார்.
இப்படத்தின் டிரைலர் ஏற்கனவே வெளியாகி நல்ல வரவேற்பைப் பெற்றுள்ள நிலையில், யாழா யாழா என்ற முதல் சிங்கில் பாடலும் டிரெண்டிங்கில் இடம்பெற்றது.
தற்போது நாளை மாலை 6 மணிக்கு லாபம் படத்தின் 2 வது சிங்கில் ரிலீசாகும் என படக்குழுவினர் அறிவித்துள்ளனர். மேலும் இப்பாடல் இப்படத்தின் இயக்குநர் மறைந்த எஸ்.பி.ஜனநாதனுக்கு சமர்பிப்பதாக படக்குழுவினர் கூறியிருக்கிறார்கள்.