தளபதி 65 அப்டேட் - விஜய்யுடன் மோதும் ரஜினி பட நடிகர்

நடிகர் விஜய்யின் 65-வது படத்தை நெல்சன் இயக்க உள்ளார். இப்படத்தை தற்காலிகமாக ‘தளபதி 65’ என அழைத்து வருகின்றனர். சன் பிக்சர்ஸ் நிறுவனம் தயாரிக்க உள்ள இப்படத்திற்கு அனிருத் இசையமைக்கிறார். தற்போது இந்த படத்தில் நடிக்கும் இதர நடிகர், நடிகைகள் மற்றும் தொழில்நுட்ப தேர்வு நடைபெற்று வருகிறது.

இதில் விஜய்க்கு ஜோடியாக பூஜா ஹெக்டே மற்றும் ராஷ்மிகா மந்தனா ஆகிய இருவரில் ஒருவர் நடிக்க இருப்பதாக தகவல்கள் வெளியானது. மேலும் சமீபத்தில் பிரபல ஒளிப்பதிவாளர் மனோஜ் பரமஹம்சா ஒளிப்பதிவு செய்ய உள்ளதாக தகவல் வெளியாகி உள்ளது. 

இந்நிலையில், விஜய்க்கு வில்லனாக நவாசுதீன் சித்திக்கை ஒப்பந்தம் செய்திருப்பதாக கூறப்படுகிறது. நவாசுதீன் சித்திக் இதற்கு முன் ரஜினி, விஜய் சேதுபதி நடிப்பில் வெளியான பேட்ட படத்தில் வில்லனாக நடித்தவர் என்பது குறிப்பிடத்தக்கது.