சினிமா
நடிகர் பிரபாசுக்கு பொண்ணு ரெடி... விரைவில் திருமணம்?
தெலுங்கு திரையுலகில் முன்னணி நடிகராக வலம்வரும் பிரபாஸ், விரைவில் திருமணம் செய்து கொள்ள உள்ளதாக கூறப்படுகிறது.
தெலுங்கு பட உலகில் முன்னணி நாயகனாக வலம் வரும் பிரபாஸ், பாகுபலி படத்தின் மூலம் இந்திய சினிமாவிலும் பிரபலமாகினார். தற்போது ராதே ஷ்யாம், ஆதிபுருஷ், சலார் போன்ற படங்களில் நடித்து வருகிறார்.
பாகுபலி படத்தில் நடிக்கும் போது, பிரபாசுக்கும், அனுஷ்கா ஷெட்டிக்கும் காதல் ஏற்பட்டதாகவும், இருவரும் திருமணம் செய்து கொள்ளவிருப்பதாகவும் கிசுகிசுக்கள் வெளியானது. அதனை இருவருமே மறுத்து நட்பாகத்தான் பழகுகிறோம் என்று தெளிவுபடுத்தினர்.
இந்நிலையில் பிரபாஸின் திருமணம் குறித்து புதிய தகவல் வெளியாகி உள்ளது. அதன்படி மென்பொருள் நிறுவனம் நடத்தி வரும் பிரபல தொழிலதிபரின் மகளுடன் பிரபாசுக்கு திருமணம் நடைபெற உள்ளதாக கூறப்படுகிறது. விரைவில் இதுகுறித்த அறிவிப்பு வெளியாக வாய்ப்புள்ளது.