சினிமா
மாளவிகா மோகனன், மீம்ஸ்

கேலி செய்து போடப்பட்ட ‘மீம்ஸ்’களை அதிகம் ரசித்தேன் - மாளவிகா மோகனன்

Published On 2021-02-05 02:11 GMT   |   Update On 2021-02-05 18:22 GMT
மாஸ்டர் படத்தில் நடித்த நடிகை மாளவிகா மோகனனை கேலி செய்து போடப்பட்ட ‘மீம்ஸ்’களை அவர் அதிகம் ரசித்ததாக தெரிவித்துள்ளார்.
ரஜினிகாந்தின் பேட்ட படம் மூலம் தமிழில் அறிமுகமான மாளவிகா மோகனன் மாஸ்டர் படத்தில் விஜய் ஜோடியாக நடித்து மேலும் பிரபலமானார். தற்போது தனுஷ் ஜோடியாக நடித்து வருகிறார். 

இந்த நிலையில் மாஸ்டர் படத்தில் மாளவிகா மோகனன் நடித்த காட்சிகளின் முகபாவனைகளை வைத்து அவரை கேலி செய்வது போன்ற மீம்ஸ்கள் சமூக வலைத்தளத்தில் வெளியாகி வைரலாகி வருகின்றன. விஜய்யிடம் கோபமாக பேசும் காட்சிகளை வைத்து பல் துலக்குவது, பீர் பாட்டில் மூடியை பல்லால் திறப்பது உள்பட சில மீம்ஸ்களை உருவாக்கி உள்ளனர்.



மீம்ஸ்களுக்கு மாளவிகா மோகனன் பதில் அளித்து டுவிட்டரில் வெளியிட்டுள்ள பதிவில், என்னைப் பற்றி வந்துள்ள மீம்ஸ்களை பார்த்தேன். அது காமெடியாக இருந்தன. என்னை சிரிக்கவும் வைத்தன. டூத் பேஸ்ட் மீம்ஸை அதிகமாக ரசித்தேன். உங்களை பார்த்து நீங்களே சிரிக்காமல் இருந்தால் வாழ்க்கை போரடித்துவிடும்'' என்று கூறியுள்ளார். மீம்ஸ்களை பார்த்து கோபப்படுவார் என்று எதிர்பார்த்த நிலையில் ரசித்ததாக மாளவிகா மோகனன் கூறியிருப்பது அதை உருவாக்கியவர்களை ஆச்சரியப்படுத்தி உள்ளது.
Tags:    

Similar News