சினிமா
மிஷ்கினின் பிறந்தநாள் கொண்டாட்டத்தில் முன்னணி இயக்குனர்கள்
மிஷ்கினின் பிறந்தநாள் கொண்டாட்டத்தில் மணிரத்னம், ஷங்கர், கவுதம் மேனன் உள்ளிட்ட முன்னணி இயக்குனர்கள் கலந்து கொண்டனர்.
தமிழ் திரையுலகில் தனித்துவமான கதையம்சம் கொண்ட படங்களை இயக்கும் இயக்குனர்கள் ஒரு சிலரே, அவர்களில் முக்கியமானவர் மிஷ்கின். அந்த வகையில் அவர் இயக்கிய அஞ்சாதே, சித்திரம் பேசுதடி, நந்தலாலா, ஓநாயும் ஆட்டுக்குட்டியும், பிசாசு, துப்பறிவாளன், சைக்கோ என மிஷ்கின் இயக்கிய படங்கள் அனைத்துமே ரசிகர்கள் மத்தியில் நல்ல வரவேற்பை பெற்றன.
இந்நிலையில், இயக்குனர் மிஷ்கின் நேற்று தனது 49-வது பிறந்தநாளை கேக் வெட்டி கொண்டாடினார். இதில் மணிரத்னம் தலைமையில் பிரபல இயக்குனர்கள் ஷங்கர், கவுதம் மேனன், சசி, பாலாஜி சக்திவேல், லிங்குசாமி, வெற்றிமாறன், பாடகர் கார்த்திக் உள்ளிட்டோர் கலந்து கொண்டு மிஷ்கினுக்கு கேக் ஊட்டிவிட்டு தங்களது வாழ்த்துக்களை தெரிவித்தனர். இந்த புகைப்படங்கள் சமூக வலைதளங்களில் வைரலாகி வருகின்றன.