சினிமா
மாதவன்

மீண்டும் அஜித் பட நடிகையுடன் இணையும் மாதவன்

Published On 2020-01-14 04:10 GMT   |   Update On 2020-01-14 04:10 GMT
தமிழ் திரையுலகில் முன்னணி நடிகராக இருக்கும் மாதவன், மீண்டும் அஜித் பட நடிகையுடன் ஜோடி சேர்ந்து நடிக்க உள்ளார்.
மலையாளத்தில் கடந்த 2015-ம் ஆண்டு வெளியாகி நல்ல வரவேற்பை பெற்ற படம் ’சார்லி’. துல்கர் சல்மான் நாயகனாகவும், அவருக்கு ஜோடியாக பார்வதியும் நடித்திருந்தனர். இந்த படத்தை மார்ட்டின் பர்கத் என்பவர் இயக்கி இருந்தார். இந்த படம் பல்வேறு விருதுகளையும் வாங்கியது. 



இந்நிலையில், இந்த படம் தமிழில் மாறா என்ற பெயரில் ரீமேக் ஆகிறது. இந்த படத்தை அறிமுக இயக்குனர் திலீப் குமார் என்பவர் இயக்க உள்ளார். இப்படத்தில் துல்கர் சல்மான் வேடத்தில் மாதவன் நடிக்கிறார். பார்வதி வேடத்தில் அஜித்தின் நேர்கொண்ட பார்வை படத்தில் நடித்த ஷ்ரத்தா ஸ்ரீநாத் நடிக்க உள்ளார். மாதவனும், ஷ்ரத்தாவும் ஏற்கனவே விக்ரம்-வேதா படத்தில் ஜோடியாக நடித்திருந்தது குறிப்பிடத்தக்கது. 
Tags:    

Similar News