எனக்கு அரசியல் அறிவு இல்லை - டாப்சி

தமிழில் ஆடுகளம், ஆரம்பம், காஞ்சனா-2, கேம் ஓவர் உள்ளிட்ட படங்களில் நடித்துள்ள டாப்சி இப்போது இந்தி படங்களில் கவனம் செலுத்துகிறார். பிங்க், பத்லா, நாம் சபானா, மி‌ஷன் மங்கள் போன்ற இந்தி படங்கள் அவருக்கு பெயர் வாங்கி கொடுத்தன. தற்போது 3 இந்தி படங்களில் நடித்து வருகிறார். 

முன்னணி நடிகையான இவர் அரசியல் கருத்து தெரிவிப்பதில் கவனமாக இருக்கிறார். குடியுரிமை சட்டம் பற்றியும், அதற்காக நடக்கும் போராட்டங்கள் பற்றியும் கேட்டபோது, ''எனக்கு அந்த அளவுக்கு, பொது அறிவு, அரசியல் அறிவு இல்லை. 

ஒரு விஷயத்தை பற்றி கருத்து தெரிவிப்பதற்கு முன், அதைப் பற்றி தெளிவாக தெரிந்து கொள்ள வேண்டும். குடியுரிமை சட்டம் குறித்து எனக்கு எதுவும் தெரியாததால், எந்த கருத்தும் தெரிவிக்க விரும்பவில்லை. ஆனால், ஏதோ பெரிதாக ஒரு விஷயம் நடக்கிறது என்பது மட்டும் நன்றாக தெரிகிறது,'' என்றார்.