சினிமா
வலிமை படத்திற்காக அஜித் எடுத்த ரிஸ்க்
எச்.வினோத் இயக்கத்தில் உருவாகி வரும் ‘வலிமை’ படத்தில் இடம் பெறும் சண்டைக்காட்சிக்காக அஜித் பெரிய ரிஸ்க் ஒன்றை எடுத்துள்ளார்.
நேர்கொண்ட பார்வை படத்தை அடுத்து அஜித் நடிப்பில் தற்போது ‘வலிமை’ திரைப்படம் உருவாகி வருகிறது. இதன் படப்பிடிப்பு சமீபத்தில் ஐதராபாத்தில் துவங்கியது. நேர்கொண்ட பார்வை படம் ரீமேக் கதை என்பதால், அடுத்த படமான வலிமையை மிக பிரம்மாண்டமாக எடுக்க திட்டமிட்டுள்ளார் இயக்குனர் எச்.வினோத்.
தற்போது துவங்கியுள்ள ஷூட்டிங்கில் முதன்முதலில் ஒரு ஆக்ஷன் காட்சியை தான் படமாக்கி வருகிறார். அதில் ஸ்டைலான மீசையுடன் இருக்கும் அஜித்தின் புது தோற்றம் கசிந்துவிடகூடாது என்பதற்காக படப்பிடிப்பு தளத்தில் மொபைலுக்கு அனுமதி இல்லை.
அஜித் 100 அடியில் குதிப்பது போல் ஒரு காட்சியை எடுத்துள்ளார்களாம். அஜித்தும் டூப் போடாமல் அந்த காட்சியில் நடித்து பிரம்மிக்க வைத்தாராம். இப்போது இந்த படத்தின் படப்பிடிப்பு ஐதராபாத்தில் முடிய, சென்னையில் செட் அமைத்து விரைவில் எடுக்கவிருக்கிறார்கள்.