சிரஞ்சீவி - திரிஷா நடிக்கும் படத்தின் புதிய அப்டேட்

சிரஞ்சீவி நடித்து சமீபத்தில் ரிலீசான படம் ‘சைரா நரசிம்மா ரெட்டி’. இந்த படத்தை சுரேந்தர் ரெட்டி இயக்கியிருந்தார். இதனை சிரஞ்சீவியின் மகன் நடிகர் ராம் சரண் மெகா பட்ஜெட்டில் தயாரித்திருந்தார்.

இதில் அமிதாப் பச்சன், சுதீப், விஜய் சேதுபதி, நயன்தாரா, ரவி கிஷன், ஜெகபதி பாபு, தமன்னா, என மிகப் பெரிய நட்சத்திர பட்டாளமே நடித்திருந்தது. இப்படம் ரசிகர்களிடையேவும், விமர்சன ரீதியாகவும் நல்ல வரவேற்பை பெற்றது. இதனைத் தொடர்ந்து கொரட்டாலா சிவா இயக்கும் புதிய படத்தில் சிரஞ்சீவி நடிக்கவிருக்கிறார். 

சிரஞ்சீவிக்கு ஜோடியாக திரிஷா நடிக்கவுள்ளார். சமீபத்தில், இதற்கான பூஜை போடப்பட்டது. இன்னும் பெயரிடப்படாத இந்த படத்துக்கான முன்னணி பணிகள் நடைபெற்று வருகிறது. தற்போது, படத்தின் ஷூட்டிங்கை வருகிற டிசம்பர் மாதம் முதல் வாரத்தில் துவங்கத் திட்டமிட்டுள்ளதாக தகவல் வெளியாகியுள்ளது.