விஜய் கூட சீக்கிரமே படம் பண்ணுவேன் - சிவா

சிறுத்தை படம் மூலம் மிகவும் பிரபலமானவர் இயக்குனர் சிவா. இவர் அஜித்தை வைத்து, ‘வீரம், வேதாளம், விவேகம், விஸ்வாசம்’ ஆகிய படங்களை இயக்கினார். இப்படங்கள் அனைத்தும் சூப்பர் ஹிட்டானது. தொடர்ந்து அஜித்தை வைத்து படம் இயக்கிய சிவா, அடுத்ததாக ரஜினியை வைத்து படம் இயக்க இருக்கிறார்.

தலைவர் 168 என்று அழைக்கப்படும் இப்படத்தை சன் பிக்சர்ஸ் நிறுவனம் தயாரிக்க இருக்கிறது. இப்படத்தின் ஆரம்ப கட்ட பணிகள் தற்போது மும்முரமாக நடைபெற்று வருகிறது. விரைவில் இப்படத்தின் படப்பிடிப்பு தொடங்க இருக்கிறது.

இந்நிலையில், விழா ஒன்றில் கலந்துக் கொண்ட இயக்குனர் சிவா, விஜய் கூட கூடிய சீக்கிரமே படம் பண்ணுவேன் என்று கூறியிருக்கிறார்.

பிகில் படத்தை தொடர்ந்து லோகேஷ் கனகராஜ் இயக்கத்தில் விஜய் நடிக்கிறார். இப்படம் முடிந்த பிறகு விஜய் - சிவா கூட்டணி அமையும் என்று எதிர்பார்க்கப்படுகிறது.