சினிமா
பிகில் படத்தில் விஜய்

பிகில் டிரைலர் படைத்த சாதனை

Published On 2019-10-13 07:26 GMT   |   Update On 2019-10-13 07:26 GMT
அட்லீ இயக்கத்தில் விஜய் நடிப்பில் வெளியாகி இருக்கும் பிகில் படத்தின் டிரைலர் யூடியூப்பில் புதிய சாதனை படைத்துள்ளது.
சர்கார் படத்திற்கு பிறகு விஜய் நடிப்பில் அடுத்து தயாராகியுள்ள படம் பிகில். நயன்தாரா நாயகியாக நடித்துள்ள இந்த படத்தை, அட்லீ இயக்கியுள்ளார். தெறி, மெர்சல் படத்திற்கு பிறகு விஜய் - அட்லீ இணையும் 3வது படமான இந்த படத்திற்கு ரசிகர்கள் மத்தியில் பெரும் எதிர்பார்ப்பு எழுந்துள்ளது. இந்த படத்தின் டிரைலர் நேற்று மாலை 6 மணிக்கு வெளியானது.

இந்த படத்தின் டிரைலர், தற்போது வரை 1.5 கோடி பார்வைகளை கடந்துள்ளது. டிரைலர் வந்து 15 மணி நேரங்களிலேயே 15 லட்சம் லைக்குகள் பெற்றது.



இது அஜித்தின் விஸ்வாசம் பட டிரைலர் மொத்தம் பெற்றுள்ள லைக்குகளை விட அதிகம். பிகில் டிரைலர் செய்துள்ள இந்த சாதனையை ரசிகர்கள் கொண்டாடி வருகின்றனர். மேலும் தென்னிந்திய மொழி படங்களில் பிகில் படம் தான் அதிக லைக்குகளை பெற்றுள்ளதாக கூறப்படுகிறது.
Tags:    

Similar News