சினிமா
மு.க.ஸ்டாலினுடன் நடிகர் விஜய் சந்திப்பு
கருணாநிதியின் குடும்ப விழாவில் பங்கேற்ற போது திமுக தலைவர் மு.க.ஸ்டாலினுடன் நடிகர் விஜய் சந்திப்பு மேற்கொண்டார்.
மறைந்த தி.மு.க. தலைவர் கருணாநிதியின் மகள் செல்வி - முரசொலி செல்வம் தம்பதியின் பேத்தியும் எழிலரசி - ஜோதிமணி ஆகியோரின் மகளுமான ஓவியாவுக்கும் தொழிலதிபர் ஜெயபிரகாஷ் - பவானி தம்பதி மகன் அக்கினீஸ்வரனுக்கும் நேற்று மாலை சென்னையில் உள்ள நட்சத்திர ஓட்டலில் திருமண நிச்சயதார்த்தம் நடைபெற்றது. கருணாநிதி குடும்பத்தை சேர்ந்தவர்கள் தவிர மிகசிலரே இந்த விழாவிற்கு அழைக்கப்பட்டு இருந்தனர்.
நடிகர் விஜய் கலந்துகொண்டு மணமக்களை வாழ்த்தி உள்ளார். அப்போது தி.மு.க. தலைவர் முக.ஸ்டாலினும் விஜய்யும் சில நிமிடங்கள் பேசிக்கொண்டு இருந்தனர். இந்த படம் சமூகவலை தளங்களில் பகிரப்பட்டு வருகிறது. விஜய் ரசிகர்கள் இந்த படத்தை பகிர்வதோடு விஜய் அரசியலுக்கு வர தயாராகி விட்டதாகவும் பதிவிட்டு வருகின்றனர்.