சினிமா
சாஹோ, 2.0 பட போஸ்டர்

ரஜினியின் 2.0-வை பின்னுக்கு தள்ளிய சாஹோ

Published On 2019-09-01 08:19 GMT   |   Update On 2019-09-01 08:19 GMT
பிரபாஸ் நடிப்பில் வெளியாகியுள்ள சாஹோ திரைப்படம் ரஜினியின் 2.0 படத்தின் வசூல் சாதனையை முறியடித்துள்ளது.
பிரபாஸ், ஷ்ரத்தா கபூர் நடிப்பில் தற்போது வெளியான படம் சாஹோ. பாகுபலி படங்களுக்கு பிறகு பிரபாஸ் நடிக்கும் படம் என்பதாலும் 300 கோடி ரூபாய்க்கு மேல் செலவு செய்து எடுக்கப்பட்டதாலும் படத்துக்கு பெரிய எதிர்பார்ப்பு நிலவியது. தமிழ், தெலுங்கு, இந்தி போன்ற மொழிகளில் வெளியிட்டார்கள்.

சாஹோ படம் விமர்சன ரீதியாக தோல்வி அடைந்தாலும், ரசிகர்களிடம் ஏற்பட்டு இருந்த எதிர்பார்ப்பால் முதல் நாள் வசூலில் சாதனை படைத்துள்ளது. இந்தியா முழுவதும் இந்த படம் ரூ.24 கோடி வசூலித்துள்ளது. இந்தியில் டப்பிங் செய்யப்பட்ட தென்னிந்திய படங்களை பொறுத்தவரை, பாகுபலி 2வது பாகம் தான் அதிக வசூல் செய்த முதல் படம்.



அதற்கு அடுத்து ரஜினியின் 2.0 படம் தான் இருந்தது. தற்போது சாஹோ திரைப்படம் ரஜினியின் 2.0 படத்தை பின்னுக்கு தள்ளி இரண்டாம் இடத்தை பிடித்துள்ளது. இதன் மூலம் முதல் இரண்டு இடங்களில் பிரபாஸ் படங்கள் தான் இருக்கின்றன.படத்துக்கு எதிர்மறையான விமர்சனங் கள் வருவதால் அடுத்தடுத்த நாட்களில் இந்த வசூல் குறையலாம் என்கிறார்கள்.

Tags:    

Similar News