சிவா அடுத்த படத்தின் தலைப்பு அறிவிப்பு

சிவா நடிப்பில் கடைசியாக வெளியான படம் ‘தமிழ்ப்படம் 2’. சி.எஸ்.அமுதன் இயக்கிய இப்படத்தில் சிவாவிற்கு ஜோடியாக ஐஸ்வர்யா மேனன் நடித்திருந்தார். பல படங்களை கலாய்த்து வெளியான இப்படம் ரசிகர்களிடையே நல்ல வரவேற்பு பெற்றது.

தற்போது சிவா நடிக்கும் அடுத்த படத்தின் தலைப்பு மற்றும் பர்ஸ்ட் லுக் வெளியாகி இருக்கிறது. ‘சுமோ’ என பெயரிடப்பட்டுள்ள இப்படத்தின் பர்ஸ்ட் லுக் போஸ்டர் தற்போது சமூக வலைத்தளத்தில் வைரலாகி வருகிறது.

சுமோ படத்தை வேல்ஸ் பிலிம் இன்டர்நேஷனல் சார்பில் ஐசரி கணேஷ் தயாரிக்கிறார். ஹூசிமின் இயக்கும் இப்படத்திற்கு திரைக்கதை வசனத்தை சிவாவே எழுதியிருக்கிறார்.