சினிமா
100 படத்தின் வெற்றியை தொடர்ந்து நடிகர் அதர்வா, இயக்குனர் கண்ணன் இயக்கத்தில் நடிக்கும் புதிய படத்தின் படப்பிடிப்பு ஆரம்பமாகியுள்ளது.
அதர்வா நடிப்பில் சமீபத்தில் வெளியான ''100'' திரைப்படம் ரசிகர்களிடையே நல்ல வரவேற்பை பெற்றது. இப்படத்தை தொடர்ந்து அவர் இயக்குனர் கண்ணன் இயக்கும் புதிய படத்தில் நடிக்க இருக்கும் செய்தி ஏற்கனவே வெளியானது.
இப்படத்தில் அதர்வாவுக்கு ஜோடியாக பிரேமம், கொடி போன்ற படங்களில் நடித்த அனுபமா பரமேஸ்வரன் நடிக்கிறார். குடும்பம் மற்றும் உறவுகளை மையப்படுத்தி இப்படம் உருவாக உள்ளது.
பெயரிடப்படாத இப்படத்தின் படப்பிடிப்பு இன்று தொடங்கியுள்ளது. இப்படத்தில் அதர்வா பிஎச்.டி பட்டதாரியாகவும், அனுபமா பரதநாட்டிய டான்சராகவும் நடிக்கிறார்கள்.
இதற்குமுன் கண்ணன் இயக்கத்தில் அதர்வா ’பூமராங்’ திரைப்படத்தில் நடித்திருந்தார் என்பது குறிப்பிடத்தக்கது.