சினிமா
திரிஷா, சிம்ரன்

சிம்ரன்-திரிஷா கூட்டணியில் உருவாகி வரும் படத்திற்கு இதுதான் தலைப்பா?

Published On 2019-07-23 12:30 GMT   |   Update On 2019-07-23 12:30 GMT
பேட்ட படத்தை தொடர்ந்து சிம்ரனும், திரிஷாவும் இணைந்து நடிக்கும் அடுத்த படத்தின் தலைப்பு இணையத்தில் கசிந்துள்ளது.
தமிழ் திரையுலகின் சீனியர் நடிகைகளான சிம்ரனும், திரிஷாவும் கார்த்திக் சுப்புராஜ் இயக்கிய பேட்ட படத்தில் இணைந்து நடித்திருந்தனர். தற்போது அவர்கள் இருவரும் மீண்டும் ஒரு படத்தில் இணைந்து நடித்து வருகின்றனர். இந்த படத்தை சுமந்த் ராதாகிருஷ்ணன் இயக்கி வருகிறார். அதிரடி ஆக்சன் கதைகளத்தில் உருவாகி வரும் இந்த படத்திற்கு ‘சுகர்’ என பெயரிடப்பட்டுள்ளதாக தகவல் வெளியாகியுள்ளது. 

இந்த படத்தின் படப்பிடிப்பு விறுவிறுப்பாக நடைபெற்று வருகிறது. இந்த படத்தில் சிம்ரனும், திரிஷாவும் சகோதரிகளாக நடித்துள்ளதாக கூறப்படுகிறது. மேலும் சதீஷ், ஜெகபதிபாபு, அபினய் ஆகியோர் முக்கிய கதாபாத்திரத்தில் நடித்து வருகின்றனர். இந்த படத்திற்கு சந்தோஷ் தயாநிதி இசையமைத்து வருகிறார். 



சரவணன் ராமசாமி இந்த படத்திற்கு ஒளிப்பதிவு செய்துள்ளார். சென்னை, கேரளா, பிச்சாவரம், தாய்லாந்து போன்ற இடங்களில் இந்த படத்தின் படப்பிடிப்பு நடந்துள்ளதாகவும் அடுத்தகட்ட படப்பிடிப்பு சென்னையில் நடைபெறவிருப்பதாகவும் தகவல்கள் தெரிவிக்கின்றன.
Tags:    

Similar News