சினிமா
சூர்யா பிறந்தநாளில் டிரெண்டான ஜோதிகா
சூர்யா பிறந்தநாளான இன்று அவரது மனைவி ஜோதிகா டுவிட்டர் டிரெண்டிங்கில் முதலிடம் பிடித்துள்ளார்.
தமிழ் சினிமாவின் முன்னணி நடிகராக விளங்கும் சூர்யா இன்று தனது 44-வது பிறந்தநாளை கொண்டாடுகிறார். இதையடுத்து அவருக்கு வாழ்த்துகள் குவிந்து வருகிறது. ரசிகர்களும் பிரபலங்களும் அவருக்கு வாழ்த்துக்கள் தெரிவித்து வருகின்றனர். அவரது ரசிகர்கள் பலர் நற்பணிகள் செய்து சூர்யா பிறந்த்நாளை கொண்டாடி வருகின்றனர். இன்று காலை வரை #HappyBirthdaySURYA என்கிற ஹேஷ்டாக் டுவிட்டரில் டிரெண்டாகி வந்தது.
இந்த நிலையில் இன்று காலை 11 மணிக்கு ஜோதிகா நடிப்பில் வெளியாக இருக்கும் ‘ஜாக்பாட்’ படத்தின் டிரைலரை சூர்யா வெளியிட்டார். டிரைலர் வெளியான சில நிமிடங்களில் டிரெண்டிங்கில் முதலிடம் பிடித்தது.
ஆக்ஷன் கலந்த காமெடி படமாக உருவாகி இருக்கும் இந்த படத்தில் ரேவதி, யோகி பாபு, ஆனந்த்ராஜ், மன்சூர் அலிகான், மொட்டை ராஜேந்திரன், ஜெகன் உள்ளிட்டோர் முக்கிய கதாபாத்திரங்களில் நடித்துள்ளனர். `குலேபகாவலி' படத்தை இயக்கிய கல்யாண் இப்படத்தை இயக்கியுள்ளார்.