புதிய கல்வி கொள்கை- நடிகர் சூர்யாவுக்கு எஸ்.ஏ.சந்திரசேகர் ஆதரவு

சினிமா டைரக்டர்கள் சங்க தேர்தல் சென்னையில் இன்று நடந்தது. இதில் டைரக்டர் எஸ்.ஏ.சந்திரசேகர் வாக்களித்தார். அதன்பிறகு அவர் நிருபர்களுக்கு பேட்டி அளித்தார். புதிய கல்விக் கொள்கை தொடர்பாக நடிகர் சூர்யா தெரிவித்த கருத்துக்கு பா.ஜனதா தரப்பில் இருந்து எதிர்ப்புகள் வந்தது குறித்து அவரிடம் கேள்வி எழுப்பப்பட்டது. 

அதற்கு அவர் பதில் அளிக்கையில், நம் நாட்டில் நல்ல கருத்துக்களை பேசுவதற்கு சுதந்திரம் இல்லை. அது எல்லோருக்கும் நடந்துள்ளது. அது போலவே சூர்யாவுக்கும் நடந்துள்ளது. இருந்தாலும் இதுபோன்ற நல்ல கருத்துக்களை தொடர்ந்து எல்லோரும் பேச வேண்டும். இவ்வாறு அவர் கூறினார்.