சினிமா
மணிரத்னம் படத்தில் இசையமைப்பாளராகும் பிரபல பாடகர்
இயக்குநர் மணிரத்னம் படத்தில் பிரபல பாடகர் இசையமைப்பாளராக அறிமுகமாக உள்ளதாக தகவல் வெளியாகியுள்ளது.
இயக்குநர் மணிரத்னம் தயாரிப்பில் உருவாகும் 'வானம் கொட்டட்டும்' படத்தில் விக்ரம் பிரபு நாயகனாக நடிக்கிறார். அவருடன் மடோனா செபாஸ்டியன், ஐஸ்வர்யா ராஜேஷ் ஆகியோரும் நடிக்கின்றனர். இந்தப் படத்தின் கதை வசனத்தை 'படை வீரன்' பட இயக்குநர் தானா மற்றும் இயக்குநர் மணிரத்னம் இணைந்து எழுதியுள்ளனர்.
இப்படத்துக்கு இசையமைக்க ‘96’ பட புகழ் கோவிந்த் வசந்தா ஒப்பந்தம் செய்யப்பட்ட நிலையில், அவர் பல படங்களில் பிஸியாக இருப்பதால் அவருக்கு பதிலாக சித் ஸ்ரீராம் இசையமைப்பாளராக இணைந்துள்ளதாக கூறப்படுகிறது.
மணிரத்னம் இயக்கத்தில் வெளியான 'கடல்' படத்தின் மூலம் பாடகராக அறிமுகமானவர் சித் ஸ்ரீராம். தொடர்ந்து அனிருத், சந்தோஷ் நாராயணன், யுவன் சங்கர்ராஜா உள்ளிட்ட முன்னணி இசையமைப்பாளர்கள் இசையில் பாடியுள்ள சித் ஸ்ரீராமுக்கு ஏராளமான ரசிகர்கள் உண்டு.