சினிமா
தர்மபிரபு படத்திற்கு இந்து முன்னணியினர் எதிர்ப்பு
யோகிபாபு நடிப்பில் வெளியாகி இருக்கும் ‘தர்மபிரபு’ திரைப்படத்திற்கு இந்து முன்னணியினர் முற்றுகையிட்டு போராட்டம் நடத்தியுள்ளனர்.
நடிகர் யோகிபாபு நடித்த ‘தர்மபிரபு’ என்ற திரைப்படம் சமீபத்தில் மாநிலம் முழுவதும் திரையிடப்பட்டது. இந்த படத்தில் இந்து கடவுள்களையும், இந்துக்களையும், மத கோட்பாடுகளையும் விமர்சித்து இருப்பதாக இந்து முன்னணி சார்பில் புகார் கூறப்பட்டது. இந்த படத்தை திரையிடுவதற்கு இந்து முன்னணியினர் எதிர்ப்பு தெரிவித்தனர். மேலும் படத்துக்கு தடை விதிக்க வேண்டும் எனவும் வலியுறுத்தினர்.
நெல்லை சந்திப்பில் உள்ள ஒரு தியேட்டரில் தர்மபிரபு படம் திரையிடப்பட்டுள்ளது. இந்த தியேட்டர் முன்பு நெல்லை மாநகர் மாவட்ட இந்து முன்னணி சார்பில் முற்றுகை போராட்டம் நடத்தப்படும் என அறிவிக்கப்பட்டது. அதன்படி இந்து முன்னணியின் மாநில துணை தலைவர் வி.பி.ஜெயக்குமார் தலைமையில் அந்த அமைப்பினர் நெல்லை தியேட்டர் முன்பு நேற்று மாலை முற்றுகை போராட்டம் நடத்தினர்.