சினிமா
மீண்டும் விஜய்யுடன் இணையும் நயன்தாரா
நோட்டா படத்தை தொடர்ந்து விஜய் தேவரகொண்டா நடிக்க இருக்கும் தமிழ் படத்தில் நயன்தாரா நடிக்க இருப்பதாக செய்திகள் வெளியாகியுள்ளது. #VijayDevarakonda #Nayanthara
நோட்டா படத்தின் மூலம் தமிழில் அறிமுகமானவர் விஜய் தேவரகொண்டா. ஆனால் நோட்டா படம் ரசிகர்களிடையே வரவேற்பை பெறவில்லை. இந்நிலையில் மீண்டும் ஒரு தமிழ் படத்தில் நடிப்பதாக தகவல்கள் வெளியாகியுள்ளது.
எஸ்.ஆர்.பிரபு தயாரிப்பில் விஜய் தேவரகொண்டா ஜோடியாக தமிழ் சினிமாவில் லேடி சூப்பர் ஸ்டார் என்று அழைக்கப்படும் நயன்தாரா நடிக்க உள்ளதாக தெரிகிறது. இந்த படம் பற்றிய அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.
தற்போது நயன்தாரா, விஜய் - அட்லீ கூட்டணியில் உருவாகிவரும் தளபதி 63 படத்தில் நடித்து வருகிறார். மேலும், முருகதாஸ்-ரஜினி கூட்டணியில் உருவாகும் புதிய படத்திலும் இவர்தான் கதாநாயகி என்று கோலிவுட் வட்டாரத்தில் பேச்சு அடிபடுகிறது.